ANG MGA KAMATIS TALIWALA SA TAWHANON-POLITIKAL NGA MGA ISYU

Pila ka tuig na ang milabay dihang akong nasugatan ang pangutanang, "Asa sa 3 ka mga KAMATIS nga puros bulok ang imong pilion?" Dili usab nako hikalimtan si Sir Benj nga among college instructor sa Values Education kaniadto nga sa tinuod lang, he is great gyud sa natad sa pagtudlo bahin sa moralidad ug community standards. We alternately called him "Pastor and Sir."

Tukma sa trend karon nga mao ang National and Local Elections, mitumaw ang nagkadaiyang mga opinyon-politikal, moral, historikal, teknikal lakip na ang legal. We can be proud to say nga daghan gyud ang adunay igong "courage" o kaisog sa pagpadayag sa ilang mga opinyon. Nindot. As in nindot gyud as long as stick sa isyu ug dili sa ad hominem attacks ipaagi ang diskusyon nga maoy mahimong hinungdan sa away.

Matag kampo adunay nindot nga presentasyon sa ilang mga kwalipikasyon ug credentials lakip na ang ilang mga plano. Makabibilib kay kining mga naglansar sa mga pampubliko nga katungdanan, adunay iya-iyang katakos sa pagserbisyo. Pero dili usab malikayan ang pipila ka mga isyung naglambigit sa uban kanila sa lain-laing aspeto sama sa korapsyon, kakulangan sa ekperiyensiya, edukasyon, dili klarong vision and mission ug uban pang negatibong bahin nga anaa sa politiko. Kung may positibong bahin anaa sad diha ang nilabayay sa lapok.

Ang kakusog sa mga politiko dayag kaayo tungod sa presensiya sa social media. Tuod daghang maayong butang nga anaa kanila nga makabibilib, anaa usab diha ug di mawala ang kaluyahan o weakness nga bahin sa ilang pagkatawo. Silang tanan, perfectly imperfect. Wala gyud kanila ang tinaham nga pagkaperpekto nga gidahom sa mga perfectionist.

Sa praktikal nga bahin kung atong isubay sa atong "quote" ning maong artikulo, kung sa KAMATIS pa, bulok silang tanan. Kitang mga tawo, naa gyud ang kabulokan; maong naumol kining pangutanang "Asa sa 3 ka mga KAMATIS nga puros bulok ang imong pilion?" Of course, anaay uban nga maglibog. Maglibog tungod sa kadaghang mga opinyon sa palibot.

Sa laing bahin, kung maayo pa ang dagan sa atong pangutok, natural nga atong pilion mao ang "DILI KAAYO bulok." Pinaagi sa atong critical thinking skills, mahimo natong mapili ang mga kandidatong lahi ug dili susama ang level sa lain pang mga kandidato; sa KUNG SI KINSA ang may kahadlok sa Ginoo; KINSA ang adunay dakong kasing-kasing para sa mga pobre ug ingon man sa mga adunahan; KINSA ang may igong ekperiyensiya sa serbisyo-publiko (track record); KINSA ang adunay daghang legal achievements sa iyang earlier and previous positions; KINSA ang adunay konkreto ug klarong plano para sa katawhan? KINSA SIYA? Kinsa ang angayang makabaton sa atong BOTO?

Diverse ug may iya-iyang katungod sa pagpili ang mga tawo. Nunot niana ang ato lang mahimo mao ang bugnaw nga pagtratar sa isyu inubanan sa dakong respeto tungod sa ulahi, kita ra gihapon ang mga lamas sa ginatawag natong kahiusahan sa kakugi ug pagtinabangay sa matag adlaw nga ihatag kanato sa Ginoo.

Bye for now, fellow KAMATISes. Hangtod sa sunod artikulo. #PapaJackomentaryo 5-6-2022🙂